काठमाडौं । राष्ट्रिय स्वतन्त्र पार्टीका वरिष्ठ नेता बालेन शाह को नेतृत्वमा शक्तिशाली सरकार गठन हुँदैछ । रास्वपाले २१ फागुनको सम्पन्न भएको प्रतिनिधिसभाको
निर्वाचनमा अभूतपुर्व सफलता हात पारेको छ । रास्वपा दुई तिहाई बहुमतबाट जम्मा २ सिटमात्रै तल परेको छ । उसले प्रत्यक्षतर्फ १२५ सिटमा जित हात पार्दा समानुपातिकतर्फ ५७ सिट पाएको छ ।
संसद्मा रास्वपाको १८२ सिट पुगेको छ । २७५ सदस्यीय प्रतिनिधिसभामा दुई तिहाई पुग्नको लागि १८४ सिट चाहिन्छ । जुन रास्वपासँग दुई जनामात्रै सांसदको कमी छ ।
नयाँ संसद्को आकार आईसकेकोले र रास्वपा एक्लैले अत्यधिक बहुमत हात पारेकोले अब केही साताभित्रै बालेन शाह मुलुकको प्रधानमन्त्री बन्दैछन् ।
नेपालको राजनीतिक इतिहासमा सबभन्दा कान्छो प्रधानमन्त्रीको रुपमा बालेनले देशको नेतृत्व सम्हाल्दैछन् । अहिले सरकार गठनअघि नै बालेनले आफ्नो क्याविनेटमा कस्तो टिम ल्याउँछन् भन्ने चासो बढेको छ ।
रास्वपामा बालेन प्रवेशअघि यसका नेताहरुले विज्ञहरुको टिमले सरकार चलाउने वकालत गर्दथे । अहिले रास्वपाका १८२ जना सांसदहरुमध्ये धेरै विधाका पोख्त व्यक्तिहरु छन् ।
त्यसैले रास्वपाले यसपटक सांसद नभएका व्यक्ति खोज्नुपर्ने कुनै बाध्यता छैन् ।
रास्वपाभित्रै सांसद जितेर आएकाहरु नै एकसेएक विज्ञ भएकोले बालेनलाई सांसद् नभएको व्यक्तिलाई मन्त्री बनाउनुपर्ने कुनै बाध्यता छैन् ।
बालेनले आफ्नो नेतृत्वमा बन्ने अबको सरकारको लागि कस्तो टिम बनाउने भन्ने विषयमा छलफलपनि प्रारम्भ गरेको बताईन्छ ।
उनले रास्वपाले सार्वजनिक गरेको वाचापत्रअनुसार १८ जनाभन्दा तलको संख्या रहनेगरि मन्त्रिपरिषद् बनाउने भएका छन् ।
रास्वपानिकट उच्चस्रोतका अनुसार बालेनले १५ जनाको सानो तथा स्मार्ट टिम बनाउने भएका छन् ।
प्रकाशित मिति: २८ फाल्गुन २०८२, बिहिबार
प्रतिक्रिया