काठमाडौं । सत्ता र शक्तिको दुरुपयोग गर्दै सरकारले नागरिकमाथी ज्यादती गरेको भन्दै वीर गोर्खाली अभियानले आपत्ति जनाएको छ।
वीर गोर्खाली अभियानले एक विज्ञप्ति जारी गर्दै भनेको छ – ‘आज हजारौं नागरिकलाई काठमाडौ लगायत देशका विभिन्न ठाँउहरुमा गरिएको दमन धरकपट र पक्राउ प्रती वीर गोर्खाली अभियान घोर भत्सर्ना गर्दछ।’
प्रदर्शनका लागि तिनकुनेमा भेला हुँदै गरेका सयौं प्रदर्शनकारीलाई आज प्रहरीले गिरफ्तार गरेको थियो।
प्रहरीले पक्राउ गरेका केहिलाई छोड्ने तयारी गरेको छ भने केही प्रदर्शनकारीलाई सार्वजनिक मुद्दा चलाउने तयारी गरेको छ।
दुर्गा प्रसाईं नेतृत्वको प्रदर्शनलाई वीर गोर्खाली अभियानले साथ र सहयोग गर्दै आइरहेको छ।
प्रकाशित मिति: ८ मंसिर २०८०, शुक्रबार
प्रतिक्रिया