सल्यान । सल्यानको बागचौर नगरपालिका–६ सिमखोला सडकमा शनिबार राति जेसीबी पल्टिदा चालकको घटनास्थलमै मृत्यु भएको छ । दुर्घटनामा सहचालक गम्भीर घाइते भएका छन् । 
मृत्यु हुनेमा चालक दाङको बबई गाउँपालिका–४ हापुरेका अन्दाजी ३५ वर्षीय देवराज खत्री रहेका छन् । दुर्घटनामा घाइते भएका सहचालक सल्यानको छत्रेदेउराली गाउँपालिका–१ दमाचौरका १९ वर्षीय चित्र बहादुर विकको जिल्ला अस्पताल सल्यानमा उपचार भइरहेको छ। 
सल्यानको महिदोलेदेखि जामुलेचौर वडा कार्यालय जोड्ने सडक फराकिलो बनाउँदै गरेको रा १ क ७१९ नम्बरको जेसीबी गएराती साढे ९ बजे सडकबाट अन्दाजी २० मिटर तल खसेको थियो ।
प्रकाशित मिति: ११ बैशाख २०७९, आइतबार
प्रतिक्रिया