काठमाडौं । अख्तियार दुरुपयोग अनुसन्धान आयोगले संस्कृति, पर्यटन तथा नागरिक उड्डयन मन्त्रालयका उपसचिव प्रमोद नेपाललाई घुस सहित रंगेहात पक्राउ गरेको छ ।
उनी ६ लाख घुस सहित रंगेहात पक्राउ परेका हुन्। साथै उनको गाडीमा खानतलासी गर्दा थप १६ लाख ५० हजार रुपैयाँ समेत बरामद गरेको अख्तियारका प्रवक्ता श्यामप्रसाद भण्डारीले बताए। उनलाई नक्साल नागपोखरीको एक होटलबाट रंगेहात पक्राउ गरिएको अख्तियारले जनाएको छ।
पर्यटन व्यवसायको दर्तासँग सम्बन्धित कामका लागि घुस लिइरहेको अवस्थामा नाग पोखरीको एक होटेलबाट उनलाई रंगेहात पक्राउ गरिएको आयोगका प्रवक्ता सहसचिव श्यामप्रसाद भण्डारीले ग्लोबल नागरिकलाई जानकारी दिए ।
नेपाल मन्त्रालयको हवाई उद्योग तथा अन्तर्राष्ट्रिय सम्बन्ध शाखाको प्रमुखको जिम्मेवारीमा थिए।
प्रकाशित मिति: १७ श्रावण २०७९, मंगलबार
प्रतिक्रिया