काठमाडौं। जबर्जस्ती करणी अभियोगमा थुनामा रहेका अभिनेता पल शाह (पूर्णविक्रम शाह)को मुद्दाको नयाँ पेशी तोकिएको छ।
नवलपुर जिल्ला अदालतमा आज यो मुद्दामा सुनुवाइ हुँदैछ। अदालतको वेबसाइट अनुसार नेपाल सरकार वादी र शाह प्रतिवादी रहेको यो मुद्दा न्यायाधीश उमेशप्रसाद लुइँटेलको इजलासमा परेको छ ।
तनहुँ जिल्ला अदालतले भदौ १५ गतेका लागि जबर्जस्ती करणीविरुद्धको मुद्दाको पेशी तोकेको शाहको तर्फबाट कानून व्यवसायी रहेका कमलमोहन वाग्लेले जानकारी दिए।
उनका अनुसार अदालतबाट अभिनेता शाहलाई बिना धरौटी छाड्ने, धरौटीमा छाड्ने वा थुनामै राख्ने भन्नेबारे फैसला आउन सक्नेछ ।
गत ११ फागुनमा नावालिक माथी पटक पटक जबरजस्ती करणी गरेको भन्दै जिल्ला प्रहरी कार्यालय तनहुँमा उजुरी परेको थियो । त्यसको ४ दिन पछि अभिनेता शाहले १५ फागुनमा जिल्ला प्रहरी कार्यालय, तनहुँमा आत्मसमर्पण गरेका थिए। शाह अहिले तनहुँ जिल्ला प्रहरी कार्यालयमा थुनामा छन ।
अभिनेता शाहले आफू निर्दोष रहेको भन्दै थुना बाहिरबाटै मुद्दाको पुर्पक्ष गर्न पाउनुपर्ने माग राख्दै उच्च अदालत, पोखरामा निवेदन दिए पनि उच्च अदालतले भने उनको निवेदन अस्विकृत गरिदिएको थियो।
प्रकाशित मिति: ८ भाद्र २०७९, बुधबार
प्रतिक्रिया