धरान । धरान उपमहानगरका मेयर हर्क साम्पाङले आफूलाई खदा माला र फूलको गुच्छाको साटो गैती र बेल्चा उपहार ल्याइदिन आग्रह गरेका छन् । शनिबार सोसल मिडिया ‘हर्क साम्पाङ अ रिभोलुशन’मार्फत् मेयर साम्पाङले उपहारमा गैती र बेल्चा ल्याइदिन आग्रह गरेका हुन् ।
मेयर साम्पाङले खदामाला र फूलको गुच्छाको उपयोगिता नदेखेको उल्लेख गर्दै उपहारमा गैती र बेल्चा ल्याइदिन आग्रह गरेका हुन् ।
उनले भनेका छन्, ‘मलाई कसैले उपहार नै ल्याइदिने मन भए गैती र बेल्चा उपहार ल्याइदिनु । यो खदामाला र अनेक फूलका गुच्छाको मैले उपयोगिता देखिन । जय श्रम! जय उत्पादन!’
मेयरको सपथ लिएसँगै हर्क साम्पाङले धरानबासीलाई पानी खुवाउने अभियान सञ्चालन गर्दै श्रम पर्यटनमा लागिपरेका छन्। साथै उनले सर्दुखोला लगायतबाट धरानमा पानी खसाल्न सफल पनि भइसकेका छन् ।
प्रकाशित मिति: १ आश्विन २०७९, शनिबार
प्रतिक्रिया