काठमाडौं । नेपाली कांग्रेसका वरिष्ठ नेता रामचन्द्र पौडेलले नेपालमा अहिले प्रतिभा र श्रम शक्तिको पलायन द्रुत गतिमा भइरहेकोप्रति दुख व्यक्त गरेका छन्।
उनले सबैलाई आफ्नै गाउँमा बसौँ बसौँ लाग्ने वातावरण बनाउनका लागि राजनीतिमा लागेको बताए।
उनले बुधवार एक भिडियो सन्देश जारी गर्दै भनेका छन्, ‘गाउँमा बसौँ बसौँ लाग्ने वातावरण बनाउन म राजनीतिमा लागेको हुँ। त्यो सपना, आकांक्षा र चाहना अहिलेसम्म पुरा हुन सकेको छैन। म त्यसलाई पुरा गर्नका लागि म फेरि चुनाव लडेको छु ।’
अहिले देशको सबैभन्दा ठुलो समस्या र चुनौती भनेकै युवा जनशक्तिलाई गाउँमा बस्ने वातावरण बनाउनु भएको औँल्याए।
प्रकाशित मिति: १६ कार्तिक २०७९, बुधबार
प्रतिक्रिया