काठमाडौँ । पिपल्स क्याम्पसको स्वतन्त्र विद्यार्थी युनियन (स्ववियु) सभापतिमा अनेरास्ववियुको प्यानलनै विजयी भएको छ। स्ववियु सभापतिमा अनेरास्ववियुका रन्जीत भण्डारीको प्यानल नै विजयी भएको हो।
सभापतिमा निर्वाचित भण्डारीले २९९ मत प्राप्त गरे। प्रतिस्पर्धी नेविसंघका उम्मेदवार प्रदिप जंग शाहले २१५ मत ल्याए।
यस्तै, सचिवमा अनेरास्ववियुका फुर्वा छिरिङ शेर्पा ३३७ मतका साथ विजयी भए । प्रतिद्वन्द्वी दुर्गाराज लामाले २७८ मत ल्याए।
यसैगरी, कोषाध्यक्षमा नवीन न्यौपानेले ३५२ मत ल्याएर विजयी भए। प्रत्यक्ष तर्फ सदस्यहरूमा सर्वज्ञा रिमाल ३५८, सरद रेग्मी ३४८, अमन प्रसाद चौधरी ३४६, आयुश कुमार शाह ३४२ र प्रशिस पौडेल ३३९ मत ल्याएर विजयी भए।
प्रकाशित मिति: ५ चैत्र २०७९, आइतबार
प्रतिक्रिया