काठमाडौं । काठमाडौं महानगरपालिकाले नेपाल राष्ट्र बैंकलाई भवनको नक्सा पासबारे प्रश्न गर्दै पत्र पठाएको छ ।
जेठ ३२ गते काठमाडौं महानगरपालिका नगर कार्यपालिकाको कार्यालयले राष्ट्र बैंकको बालुवाटार र थापाथली कार्यालयलाई नक्सा पासबारे प्रश्न गर्दै पत्र पठाएको हो ।
बैंकको नाममा दर्ता रहेको जग्गामा नयाँ भवन निर्माण भएको देखिएको भन्दै महानगरले उक्त भवनको नक्सा पास भएको छ वा छैन भनि प्रश्न गरेको हो ।
‘बैंकको नाममा दर्ता कायम रहेको जग्गामा नयाँ भवन निर्माण भएको देखिएकोले उक्त भवन प्रचलित नियम/कानुन बमोजिम निर्माण भएको छ/छैन ?’ महानगरले केन्द्रीय बैंकलाई पठाएको पत्रमा भनिएको छ, ‘भएको भए सो को प्रमाण र पास नभएको भए मिति २०८०/०२/०३ को राष्ट्रिय दैनिक पत्रिकामा प्रकाशित ३५ दिने सूचना बमोजिम नक्सापास गर्न हुनु निर्देशानुसार अनुरोध छ ।’
त्यस्तै महानगरले नेपाल टेलिमक र राष्ट्रिय वाणिज्य बैंकलाई पनि नक्सा पास भए नभएकोबारे प्रश्न गर्दै पत्र काटेको छ ।
प्रकाशित मिति: १ असार २०८०, शुक्रबार
प्रतिक्रिया