काठमाडौँ । नक्कली भुटानी शरणार्थी प्रकरणमा पूर्वगृहमन्त्री बालकृष्ण खाँण पुर्पक्षका लागि थुनामा पठाउने आदेश अनुसार केन्द्रीय कारागार चलान भएका छन् ।
उनले अदालतबाट बाहिरिँदै गर्दा आफू निर्दोष भएको र अदालतबाट न्याय पाउने बताएका छन् ।
“मेरो संलग्नता छैन, म निर्दोष थिए,” खाँणले अदालतबाट बाहिरिँदै गर्दा पत्रकारसँग भने ।
उनले थुनामा रहँदा अध्ययन गरेर समय बिताउने बताएका छन् । “थुनामा रहँदा अध्ययन गर्छु, अब अदालतबाटै न्याय होला,” खाँणले भने, “सबै साथीहरूलाई धन्यवाद । म गएँ ।”
प्रकाशित मिति: १ असार २०८०, शुक्रबार
प्रतिक्रिया