काठमाडौं । अख्तियार दुरुपयोग अनुसन्धान आयोगले पशुपतिनाथ मन्दिरको जलहरीमा रहेको सुनको नाप जाँच सुरु गरेको छ।
जलहरी राख्दा अनियमितता भएको सूचना बाहिर आएपछि आयोगको टोलीले जलहरीमा प्रयोग भएको सुनको तौल नाप जाँच सुरु गरेको हो।
अहिले पशुपतिनाथको मुलगेटबाट सर्वसाधारणलाई प्रवेश दिइएको छैन। मन्दिर परिसरलाई नेपाली सेना, प्रहरी र सशस्त्र प्रहरीको घेरामा राखिएको छ।
दुई वर्षअघि पशुपतिमा सुनको जलहरी राख्दा भ्रष्टाचार भएको भन्दै अख्तियारमा उजुरी परेको थियो।
प्रकाशित मिति: १० असार २०८०, आइतबार
प्रतिक्रिया