काठमाडौँ । नेपाली काँग्रेसका सांसद डा. सुनिल शर्माले माओवादीसँगको सत्ता सहकार्य यथावत राखिए काँग्रेस समाप्त हुने बताएका छन् ।
उनले गृहमन्त्री नारायणकाजी श्रेष्ठलाई नहटाए सरकार ढल्नेसमेत चेतावनी दिएका छन् ।
अदालतको आदेशपछि सीआईबीबाट रिहा हुने क्रममा पत्रकारसँग कुरा गर्दै डा. शर्माले पुष्पकमल दाहाल ‘प्रचण्ड’ र नारायणकाजीले स्टन्टबाजी गरेर काँग्रेसका एकाएक नेतालाई धूलोपीठो बनाउने योजना बनाएको दाबी गरे ।
उनले भने, ‘यिनीहरूले नेतालाई एकाएक गरेर धूलोपीठो पार्दैछन् । प्रचण्डलाई यो ठाउँमा पुर्याएको गुन मलाई हतकडी लगाएर तिर्नुभयो । तर, यो आतंककारीहरुसँग गठबन्धन कायमै राख्ने हो भने काँग्रेस सकिन्छ, म यो कुरा मेरा नेताहरूलाई भन्छु ।’
उनले गृहमन्त्री र अर्थमन्त्रीले राजीनामा नदिए आफ्नो पूर्वनिर्धारित अनसन अघि बढ्ने बताए ।
प्रकाशित मिति: २७ श्रावण २०८०, शनिबार
प्रतिक्रिया