काठमाडौं । चन्द्रागिरीस्थित सेतो पहरामा भ्यान दुर्घटना हुँदा ५ जनाको मृत्यु भएको छ।
शनिबार बिहान काठमाडौंबाट चित्लाङतर्फ जाँदै गरेको भ्यान ११:५५मा हिमालचुलीको सेतो पहराबाट पाँच सय मिटर तल खसेको थियो।
दुर्घटनामा ४ जनाको घटनास्थलमै मृत्यु भएको छ भने एक जना घाइते भएकी ६ वर्षीया बालिका स्मारिका गौतमको उपचारका क्रममा बल्खुस्थित बयोधा अस्पतालमा मृत्यु भएको काठमाडौं प्रहरी परिसरका एसपी कुमोध ढुंगेलले जानकारी दिए।
भ्यानमा सवारमध्ये एक जना सकुशल रहेको जिल्ला प्रहरी कार्यालय काठमाडौंले जनाएको छ।
मृत्यु हुनेहरूमा ६७ वर्षीय ओमकार निधि तिवारी, ६४ वर्षीया कल्पना तिवारी, ३८ वर्षीय डा. महेश कुमार गौतम र ४ वर्षीय प्रियान्स गौतम,६ वर्षीया बालिका स्मारिका गौतम रहेका छन्।
गाडीमा सवार डा. सृष्टि तिवारी गौतम भने सकुशल छिन्।
प्रकाशित मिति: २८ पुस २०८०, शनिबार
प्रतिक्रिया