काठमाडौँ । राष्ट्रिय स्वतन्त्र पार्टीका सभापति रवि लामिछानेले सरकारले सहकारी ठगी प्रकरणका आरोपित जिबि राईलाई समात्नुको सट्टा आफ्नो पछि लागेको बताएका छन् ।
सरकार राईलाई पक्रिन नचाहेको पनि लामिछानेको आरोप छ ।
मंगलबार राजधानीमा रहेका कर्णाली प्रदेशका पार्टी कार्यकर्ताहरूले आयोजना गरेको भेटघाट तथा चियापान कार्यक्रमलाई सम्बोधन गर्दै सभापति लामिछानेले सरकारले गृहमन्त्री नारायणकाजी श्रेष्ठले वास्तविक रूपमा सहकारी पीडितहरूलाई न्याय दिन समेत नचाहेको जिकिर गरेका छन्।
उनले पीडितलाई न्याय दिलाउने काम गर्नुको साटो आफ्नो गल्ती र कमजोरी भेटिन्छ कि भनेर फसाउन लागि परेको उनको आरोप छ । गृहमन्त्रीलाई सहकारी पीडितलाई न्याय दिनु भन्दा पनि आफूलाई दोषी देखाएर थुन्नुपरेको भन्दै आफूलाई सहकारी ठगी आरोपमा डाम्न नसक्ने बताए।
सभापति लामिछानेले सरकारले जिबि राईलाई समाउन लागे सक्ने पनि बताए। उनले उपप्रधानमन्त्री भइसकेको टोपबहादुर रायमाझीलाई समाउन सक्दा जिबिलाई किन समाउन नसकेको ? भनी प्रश्न समेत गरेका छन्।
प्रकाशित मिति: १६ माघ २०८०, मंगलबार
प्रतिक्रिया