काठमाडौं । पूर्वउपराष्ट्रपति नन्दबहादुर पुन ‘पासाङ’ का छोरा दीपेश फेरि पक्राउ परेका छन् । उनलाई रुपन्देही प्रहरीले केन्द्रीय अनुसन्धान ब्युरो (सीआईबी) को पत्रको आधारमा शुक्रबार फेरि पक्राउ गरेको हो।
बैशाख ७ गते रुपन्देही जिल्ला अदालतबाट चार लाख रुपैयाँ धरौटीमा छोड्ने आदेश दिए पनि उनी धरौटी रकम जम्मा नगरी जिल्ला कारागार रुपन्देहीमा रहेका उनी रुपन्देहीको सुप्रिम सहकारी ठगी प्रकरणमा पक्राउ परेका थिए।
सहकारी ठगी प्रकरणमा अदालतले धरौटीमा रिहा गर्ने आदेश दिएपनि सुन तस्करी प्रकरणमा समेत नाम जोडिएकोले सिआईबीले पक्राउ गर्ने सुईको पाएपछि धरौटी जम्मा नगरेका पुनलाई गत बैशाख ७ गते नै कारागार चलान गरिएको थियो। शुक्रवार सहकारी ठगी प्रकरणमा अदालतले तोकेको चार लाख रुपैयाँ धरौटी बुझाएर निस्किएका पुनलाई सिआईबीले पुन: पक्राउ गरेको हो।
प्रकाशित मिति: १४ बैशाख २०८१, शुक्रबार
प्रतिक्रिया