काठमाडौं । नेपाली कांग्रेसका सभापति शेरबहादुर देउवाले गिरीबन्धु टी-इस्टेटको विषयमा एमाले अध्यक्ष केपी शर्मा ओलीको अभिव्यक्तिप्रति आपत्ति जनाएका छन् । बिहीबार प्रजातान्त्रिक विचार समाजद्वारा काठमाडौंमा आयोजित कार्यक्रममा उनले ओलीको आरोपको खण्डन गरेका हुन् ।
देउवाले ओलीले आफैँ निर्णय गरेर कांग्रेसलाई आरोप लगाएको प्रतिक्रिया दिँदै कांग्रेसले अनियमितता गरेको भए पुष्टि गर्न चेतावनी दिए । ‘अदालतले उहाँलाई भनेको छ, उहाँ कांग्रेसको पालामा भएको भन्नुहुन्छ,’ उनले भने, ‘आफूले निर्णय गर्नुहुन्छ, कांग्रेसलाई भन्नुहुन्छ । कसको पालामा कहिले भयो भनिदिए भैगो नि त ! यस्तो कुरा ओलीजस्ता नेताले भन्न सुहाउँदैन ।’
कांग्रेस नेता डा. शेखर कोइरालाले ओलीप्रति लक्षित गर्दै कांग्रेसलाई आरोप लगाएर धम्की नदिन चुनौती दिए । उनले सहकारी प्रकरण कांग्रेसले उठाउँदा ओलीको यस्तो अभिव्यक्ति आएको भन्दै आरोप पुष्टि गर्न सक्नुपर्ने बताए ।
प्रकाशित मिति: ४ जेष्ठ २०८१, शुक्रबार
प्रतिक्रिया