काठमाडौं । पल शाहको मुख्य भूमिका रहेको फिल्म ‘रावायण’ बक्सअफिसमा नराम्ररी पछारिएको छ। जुन असफलताले पलको करिअरमा पनि धक्का पुर्याएको छ।
‘रावायण’ प्रदर्शनअगावै निकै चर्चामा थियो। नाबालिग बलात्कारको मुद्दामा सफाइ पाएर कारागारमुक्त भएका पल हिट कमब्याकको खोजीमा थिए। कतिपयले त यस फिल्मबाट पलका दिन सुरु भएको भन्न पनि भ्याएका थिए। तर, त्यसो हुन सकेन। व्यावसायिक र समीक्षात्मक हिसाबले फिल्म फ्लप हुँदा पललाई ठूलो झट्का लागेको छ।
यस फिल्मपछि पलले सम्झौता गरिसकेका फिल्मबाट समेत हटाइएको छ। केही समयअघि पलसहित बेनिशा हमालको मुख्य भूमिकामा फिल्म ‘कल्ली’ घोषणा गरिएको थियो। तर, अब यस फिल्मबाट पललाई हटाएर सौगात मल्ललाई लिइएको छ।
‘कल्ली’का निर्देशक लक्ष्मण सुनारले पल हटाइएको कुरा स्वीकार गरे पनि कारण भने खोलेनन्।
प्रकाशित मिति: २ आश्विन २०८१, बुधबार
प्रतिक्रिया