काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई बिहीबार अपराह्न काठमाडौं ल्याइएको छ।
उनलाई साँझ ६ बजे त्रिभुवन अन्तर्राष्ट्रिय विमानस्थलमा पुर्याइएको थियो। स्वर्णलक्ष्मी सहकारीको बचत रकम अपचलनको मुद्दामा बयानका लागि उनलाई काठमाडौं ल्याइएको हो। विमानस्थलमा लामिछानेका समर्थकहरूले उनको पक्षमा नाराबाजी गरेका थिए।
सहकारी ठगी र संगठित अपराध आरोपमा गत कात्तिक २ गते पक्राउ परेका लामिछानेमाथि कास्की प्रहरीको हिरासतमा अनुसन्धान भइरहेको थियो। यसबीच, काठमाडौं जिल्ला अदालतले उनीविरुद्ध पक्राउ पुर्जी जारी गरिसकेको छ। सरकारी वकिल कार्यालयमा उनको बयान शुक्रबार लिइने संभावना छ।
प्रकाशित मिति: १३ मंसिर २०८१, बिहिबार
प्रतिक्रिया