काठमाडौँ — प्रतिनिधि सभाको चौथो दल राष्ट्रिय स्वतन्त्र पार्टी (रास्वपा) पहिलो पटक स्थानीय तहको निर्वाचनमा सहभागी हुँदा अपेक्षित परिणाम ल्याउन असफल रह्यो। हालसम्म रास्वपाले एक मात्र वडा अध्यक्ष पद जितेको छ भने विभिन्न ११ स्थानमा ५० मत पनि कटाउन सकेन ।
रास्वपाले काठमाडौं महानगरपालिका-१६ को वडा अध्यक्ष पदमा भने सफलता हात पार्यो। यहाँ रास्वपाकी रोजिना श्रेष्ठले २,९०२ मत प्राप्त गर्दै विजय हासिल गरिन्।
तर, पार्टीका अन्य धेरै उम्मेदवारको प्रदर्शन अत्यन्तै कमजोर रह्यो। महोत्तरीको रामगोपालपुर नगरपालिका-२ मा उम्मेदवार सुरसैद खाँले जम्मा ४ मत मात्रै पाए। यस्तै, तिलगुफा नगरपालिका-४ मा गगन बलमेले ५, रौतहटको ईशनाथ नगरपालिका-७ मा शेख असराजले ६ मत मात्र प्राप्त गरे।
अन्य ठाउँमा पनि मत परिणाम निराशाजनक नै देखियो। सिरिजंघा गाउँपालिका-३ मा देवी प्रसाद पौडेलले ७, धनुषाधाम नगरपालिका-१ मा रामनरेश दासले १०, र ठाकुरबाबा नगरपालिका-४ मा बासुदेव शर्माले १७ मत मात्र पाए।
त्यस्तै, पूर्वीचौकी गाउँपालिका-६ मा जानकी कुमार खड्काले ३१, गढी गाउँपालिका-६ मा शशि कुमार साहुले ३३, लालीगुराँस नगरपालिका-८ मा सन्जिव खड्काले ३८, र मुसिकोट नगरपालिका-१ मा विकास थापाले ४३ मत प्राप्त गरे।
सर्केगाड गाउँपालिकाको उपाध्यक्ष पदको मतगणना जारी छ। यहाँ रास्वपाकी उम्मेदवार बाँचा बुढाले अहिलेसम्म जम्मा ५ मत पाएकी छिन्।
अन्य स्थानका परिणामपनि नाजुक
ग्रामथान गाउँपालिका अध्यक्ष: नविनकुमार विश्वास खवास – ३७५ मत
भीमदत्त नगरपालिका-६ को वडा अध्यक्ष: रामदत्त भट्ट – २१८ मत
त्रियुगा नगरपालिका-१२ को वडा अध्यक्ष: ध्रुवप्रसाद पोखरेल – २०२ मत
नलगाड नगरपालिकाको उपमेयर: पार्वती पुन – १७९ मत
मोलुङ गाउँपालिका-५ को वडा अध्यक्ष: विष्णु प्रसाद पोखरेल – १५१ मत
महाबु गाउँपालिका अध्यक्ष: प्रकाश कुमार बुढा – ११२ मत
शुद्धोधन गाउँपालिका-१: अवधेश कुमार चौधरी – ९२ मत
हेटौंडा उपमहानगरपालिका-१२: आशावीर बल – ८३ मत
ककनी गाउँपालिका-२: मंगलसिद्धि लामा तामाङ – ८३ मत
गोरखा नगरपालिका-५: मंगलबहादुर थापा – ८२ मत
दुल्लु नगरपालिका-१३: रामबहादुर शाही – ५३ मत
रास्वपाको स्थानीय तहको पहिलो सहभागिता अपेक्षाभन्दा कमजोर देखिएको छ।
प्रकाशित मिति: १७ मंसिर २०८१, सोमबार
प्रतिक्रिया