काठमाडौँ – नेपालका लागि नवनियुक्त इजरायली राजदूत स्मुलिक एरी बासले हमास लडाकुहरूले अपहरण गरेका नेपाली विद्यार्थी विपिन जोशी जीवित रहेको बताएका छन्।
राजधानीमा बिहीबार आयोजित पत्रकार सम्मेलनमा राजदूत बासले अरब स्रोतहरूको जानकारीका आधारमा विपिन जीवित रहेको बताएका हुन्।
उनले भने, “अरब स्रोतहरूले विपिन जोशी जीवित रहेको बताएका छन्। तर, उनी कहाँ छन् र अहिले कस्तो अवस्थामा छन् भन्ने बारेमा हामीलाई जानकारी छैन।”
राजदूत बासले विपिन चाँडै नेपाल फर्कने आशा व्यक्त गर्दै भने, “हामीलाई विश्वास छ कि अपहरणमा परेका कैयौँ व्यक्तिमध्ये विपिन पनि रिहा हुनेमध्ये एक हुनेछन्।”
प्रकाशित मिति: २० मंसिर २०८१, बिहिबार
प्रतिक्रिया