काठमाडौं । शान्दार मःम पसलमा ग्याँस विष्फोट हुँदा घाइते भएका थप एकजनाको उपचारका क्रममा मृत्यु भएको छ ।
विष्फोटमा गम्भीर घाइते भएका उदयपुरको गढी गाउँपालिका–७ का २२ वर्षीय प्रदीप तामाङको कीर्तिपुरस्थित बर्न अस्पतालमा उपचारको क्रममा मृत्यु भएको हो । योसँगै उक्त विष्फोटमा मृत्यु हुने तीन जना पुगेका छन् ।
यसअघि हेटौँडाका १८ वर्षीय रविन राई र उदयपुरका २० वर्षीय भिमबहादुर घलेको बर्न अस्पतालमै उपचारका क्रममा मृत्यु भएको थियो । दुर्घटनामा परेका ८ जनाको अझै उपचार जारी छ ।
प्रकाशित मिति: २ फाल्गुन २०८१, शुक्रबार
प्रतिक्रिया