पोखरा – सशस्त्र प्रहरी बलका निरीक्षक (इन्स्पेक्टर) सन्तोषी महत झुण्डिएको अवस्थामा मृत फेला परेकी छन्।
कास्की जिल्लाको पोखरामा स्थित सशस्त्र प्रहरी बल, नेपाल हुल तथा दंगा व्यवस्थापन तालिम शिक्षालय, लामापाटनमा तालिमरत इन्स्पेक्टर महत महिलाहरूको शौचालयको नजिक झुण्डिएको अवस्थामा मृत अवस्थामा भेटिइन्।
सिन्धुपाल्चोक जिल्ला निवासी महत यसै वर्ष निरीक्षकको पदमा भर्ती भई आधारभूत तालिममा सहभागिता जनाइरहेकी थिइन्। महत सशस्त्र प्रहरीमा ९ वर्षदेखि कार्यरत थिइन्। उनी जवानको रूपमा सेवा गर्दै गर्दा २०७८ सालमा सहायक निरीक्षकको पदमा पदोन्नति प्राप्त गरिसकेकी थिइन् र २०८१ मा निरीक्षकको पदमा चयन भइ तालिममा सहभागि थिइन्।
घटनाको बारेमा अनुसन्धान प्रक्रिया सुरु भएको छ।
प्रकाशित मिति: ११ फाल्गुन २०८१, आइतबार
प्रतिक्रिया