काठमाडौं । परराष्ट्रमन्त्री डा. आरजु राणाले नेपालको परराष्ट्रमन्त्री भनेपछि आफूलाई जुन देशमा जाँदापनि ठूलो इज्जत मिलेको बताएकी छिन् । बिहीबार राष्ट्रियसभा गृहमा युथ एलायन्स फर डिभलपमेन्टद्धारा आयोजित ‘सात प्रदेशको चित्र एउटै क्यानभासभित्र’ पुस्तक लोकार्पण तथा सम्मान कार्यक्रमलाई सम्बोधन गर्दै उनले यस्तो बताएकी हुन् ।
उनले आफू जुन देश र जहाँ जाँदा पनि नेपालको परराष्ट्रमन्त्री भनेपछि इज्जत पाएको सुनाईन् । यसरी इज्जत पाउनुमा अङ्ग्रेजी आएर अनि कपाल–सपाल बनाएको भएर नभई नेपालको परराष्ट्रमन्त्री भएकै कारणले सम्मान पाएको स्पष्ट पारिन् ।
देश बन्दैन भनेर नकारात्मक कुरा बढि भएको देख्दा आफूलाई पनि दिक्क लागेको उनको भनाई छ ।
प्रकाशित मिति: ५ बैशाख २०८२, शुक्रबार
प्रतिक्रिया