काठमाडौं ।राष्ट्रिय प्रजातन्त्र पार्टी (राप्रपा) का महामन्त्री तथा सांसद डा. धवल शमशेर राणाले पार्टीको आन्दोलन अझ प्रभावशाली र सशक्त रूपमा अगाडि बढ्ने बताएका छन्।
सोमबार धवल शमशेरसँगको भेटपछि राजसंस्था पुनर्स्थापनाका पक्षमा क्रियाशील संयुक्त जनआन्दोलन परिचालन समितिका प्रवक्ता स्वागत नेपालले उक्त जानकारी दिएका हुन्।
नेपालले सामाजिक सञ्जालमार्फत लेखेका छन्, “साथीहरू, उत्साह कायम राख्नुहोस्। राजसंस्था पुनर्स्थापनाका लागि संयुक्त जनआन्दोलन परिचालन समितिका संयोजक समेत रहनुभएका राप्रपाका महामन्त्री डा. धवल शमशेर राणा भन्छन्— आन्दोलन त अब सुरु हुँदैछ, त्यो झनै सशक्त हुने छ। उहाँको स्वास्थ्य उपचार पनि सँगसँगै अगाडि बढ्नेछ। आजको भेटमा उहाँले सबैलाई यही सन्देश पुर्याइदिन भन्नुभएको छ।”
प्रकाशित मिति: ८ बैशाख २०८२, सोमबार
प्रतिक्रिया