महासचिव पोखरेलको भनाइ: “राजनीतिक अस्थिरताको अन्त्य गर्न युवाले विचार एकीकृत गर्नुपर्छ”

काठमाडौँ — नेकपा एमालेका महासचिव शंकर पोखरेलले मुलुकमा जारी राजनीतिक अस्थिरताको दुष्चक्रले जनतालाई चिन्तित बनाइरहेको बताएका छन् । उनले युवाहरूलाई विचारको एकता गर्दै आगामी निर्वाचनमा नेकपा एमालेलाई बहुमत दिलाउन आह्वान गरेका छन्, ताकि राजनीतिक स्थिरता कायम भई देश विकासको बाटोमा अगाडि बढ्न सकोस्।

बिहीबार काठमाडौँको भृकुटीमण्डपमा आयोजित ‘युथ सेलिब्रेशन’ कार्यक्रमलाई सम्बोधन गर्दै पोखरेलले राष्ट्रको समृद्धिका लागि भिजनयुक्त नेतृत्व, बलियो राजनीतिक पार्टी र स्थायित्व अपरिहार्य रहेको बताए।

“अब युवाले जनमत विभाजन होइन, विचार एकतामा ध्यान दिनुपर्छ,” पोखरेलले भने, “धेरैतिर विचार छर्ने होइन, एकीकृत विचारका आधारमा राष्ट्र निर्माणमा लाग्नुपर्छ। छिमेकी राष्ट्रहरूले जस्तै हामीले पनि स्थायित्वको आधार तयार गर्नुपर्छ।”

उनले एमाले youths मैत्री पार्टी भएको बताउँदै आउँदै गरेको बजेट तथा नीति कार्यक्रमहरू युवामुखी हुने विश्वास व्यक्त गरे। “युवाहरूको भविष्य सुरक्षित राख्न एमाले प्रतिबद्ध छ,” पोखरेलले भने, “राष्ट्रका समस्याहरू समाधान गर्ने जिम्मा पनि एमालेले लिन्छ।”

प्रकाशित मिति: ११ बैशाख २०८२, बिहिबार