गोरखा — नेपाल कम्युनिष्ट पार्टी (माओवादी केन्द्र)का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले गोरखा–बारपाक सुलिकोट गाउँपालिकाको कार्यपालिका बैठकमा सम्बोधन गर्दै चुनावमा गरेका वाचा नबिर्सिएको बताएका छन्।
कार्यपालिका सदस्य तथा गाउँपालिका अध्यक्ष विष्णु भट्टले बाटो, खानेपानी र अन्य भौतिक पूर्वाधार निर्माणमा बजेट अभावका समस्या राख्दा अध्यक्ष प्रचण्डले भने, “चुनावमा मैले तपाईंहरूसँग गरेका वाचा मैले कहिल्यै बिर्सेको छैन। सरकारमा रहँदा ती वाचा पूरा गर्न इमान्दारीपूर्वक प्रयास गरियो। जति सकियो, गरियो; त्यसको मूल्याङ्कन तपाईंहरू आफैं गर्नुहोस्। अहिले पनि ती विषय संसद्मा उठाइरहेको छु, प्रमुख प्रतिपक्षी नेताका हैसियतले।”
प्रचण्डले गण्डकी प्रदेशका मुख्यमन्त्री सुरेन्द्र पाण्डेलाई क्षेत्रीय विभेद नगर्न अनुरोध गर्दै भने, “यहाँका जनताबाट केही गुनासोहरू आएका छन्। ती माग र आवश्यकतालाई विकासको प्राथमिकतामा राख्न अपिल गर्दछु।” मुख्यमन्त्री पाण्डेले अध्यक्ष प्रचण्डसँग सहकार्य गर्दै प्रदेश सरकारका योजना सबै स्थानीय तहसम्म पुर्याउने प्रतिबद्धता व्यक्त गरे।
बैठकमा स्थानीय जनप्रतिनिधिहरूले ढुंगा, गिटी र बालुवा निकासी हुँदै आए पनि त्यसको राजस्व सङ्कलन नहुँदा जनप्रतिष्ठानमा दरार आएको गुनासो गरे।
जवाफमा अध्यक्ष प्रचण्डले सुशासन र पारदर्शितालाई विकासको मापदण्ड बनाउँदै सबै राजनीतिक दल र जनप्रतिनिधिहरूलाई एकजुट भएर अगाडि बढ्न आग्रह गरे।
प्रकाशित मिति: १२ बैशाख २०८२, शुक्रबार
प्रतिक्रिया