काठमाडौं । भारत भ्रमणमा रहेका नेपाल समाजवादी पार्टी (नयाँ शक्ति)का अध्यक्ष तथा पूर्वप्रधानमन्त्री डा. बाबुराम भट्टराईले उच्चस्तरीय राजनीतिक भेटघाट गरेका छन्।
डा. भट्टराईको सचिवालयका अनुसार उनले सोमबार भारतीय जनता पार्टीका वरिष्ठ नेता तथा वर्तमान रक्षामन्त्री राजनाथ सिंहसँग महत्वपूर्ण भेटवार्ता गरेका थिए। सो अवसरमा नेपाल–भारत सम्बन्धलाई अझ सुदृढ बनाउने, विकासका साझा योजना अघि बढाउने तथा आर्थिक सहकार्यलाई नयाँ उचाइमा पुर्याउने विषयमा विस्तृत छलफल भएको जनाइएको छ।
भेटका क्रममा डा. भट्टराईले कश्मीरको पहलगाममा सर्वसाधारणमाथि भएको आतङ्कवादी आक्रमणको कडा शब्दमा भर्त्सना गर्दै गहिरो दुःख प्रकट गरेका थिए।
प्रकाशित मिति: १६ बैशाख २०८२, मंगलबार
प्रतिक्रिया