काठमाडौं । अखिल नेपाल फुटबल संघ (एन्फा) को साधारण सभामा पूर्व अध्यक्ष गणेश थापालाई प्रवेशमा रोक लगाएपछि स्थिति तनावग्रस्त भएको छ।
धुलिखेलमा आयोजित साधारण सभाको प्रवेशद्वारमै थापालाई पास नभएको भन्दै एक समूहले रोक लगाएपछि विवाद उत्पन्न भएको हो।
प्रवेश नपाएपछि आक्रोशित बनेका थापाले भने, “या त अदालतको निर्णयको अवज्ञा गर्ने भनौं, नत्र मलाई साधारण सभामा प्रवेश गर्न दिनुपर्छ।”
थापालाई फिफाले १६ अप्रिल २०१५ देखि निलम्बन गरेको थियो। करिब एक दशकपछि, १५ अप्रिल २०२५ मा प्रतिबन्ध फुकुवा भएपछि उनी पुनः फुटबल गतिविधिमा सक्रिय हुन थालेका छन्।
यसबीच, नेपाली अदालतले पनि थापालाई एन्फाको साधारण सभामा सहभागी हुन अनुमति दिइसकेको छ। त्यसैको आधारमा उनी धुलिखेलमा सभामा भाग लिन आएका थिए।
तर, पास नदिइएको बहानामा रोक लगाइएको घटनाले एन्फाको आन्तरिक विवाद पुनः सतहमा आएको देखिएको छ।
प्रकाशित मिति: २६ बैशाख २०८२, शुक्रबार
प्रतिक्रिया