काठमाडौं । कोशी प्रदेशका चार जना सांसद सवार गाडीलाई नेपाल प्रहरीका एक डिएसपीले चलाइरहेको निजी गाडीले ठक्कर दिएको छ।
सोमबार दिउँसो मोरङको कानेपोखरी गाउँपालिका–७ अन्तर्गत पूर्व–पश्चिम राजमार्गमा भएको दुर्घटनामा सांसदहरू सामान्य घाइते भएका छन्।
जिल्ला प्रहरी कार्यालय मोरङका डिएसपी वेदप्रकाश जोशीका अनुसार झापाबाट मोरङतर्फ गइरहेको बा ५ च ३५३० नम्बरको गाडी जिल्ला प्रहरी कार्यालय झापाका डिएसपी खगेन्द्र खड्काले आफैं चलाइरहेका थिए। त्यसैबेला विपरीत दिशाबाट आइरहेको बिएई १४०६ नम्बरको कारमा प्रदेशसभा सदस्यहरू मैया श्रेष्ठ लावती, राधाकृष्ण खनाल, नम्बरलाल धिमाल र विद्या चाम्लिङ सवार थिए।
डिएसपी खड्काले चलाएको गाडी सांसदहरू चढेको सवारीसाधनसँग ठोक्किएको हो। सांसदहरू सामान्य घाइते भए पनि गम्भीर अवस्था नरहेको बताइएको छ।
सांसद मैया श्रेष्ठका अनुसार एक सांसदलाई अलिकति बढी चोट लागेको छ भने बाँकी सबैको अवस्था सामान्य रहेको छ। उनले आफू हाल निवासमै आराम गरिरहेकी जानकारी दिइन्।
प्रकाशित मिति: ५ जेष्ठ २०८२, सोमबार
प्रतिक्रिया