काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई गैरकानुनी रूपमा थुनामा राखिएको दाबी गर्दै दायर गरिएको बन्दीप्रत्यक्षीकरण निवेदनमाथि आज (बुधबार) सुनुवाइ नहुने भएको छ।
मंगलबारको सुनुवाइपछि सर्वोच्च अदालतका न्यायाधीश डा. नहकुल सुवेदी र बालकृष्ण ढकालको संयुक्त इजलासले निवेदनलाई “हेर्दाहेर्दै”मा राख्दै बुधबार सुनुवाइलाई निरन्तरता दिने निर्णय गरेको थियो।
तर, सर्वोच्च अदालतको प्रशासनले बुधबार सार्वजनिक गरेको पेशी सूचीमा उक्त निवेदनको सुनुवाइ स्थगित गरिएको उल्लेख गरिएको छ।
निवेदन हेर्ने इजलासका न्यायाधीश डा. सुवेदी संवैधानिक इजलासमा व्यस्त भएका छन् भने अर्का न्यायाधीश ढकाल अर्को इजलासमा परेका कारण सुनुवाइ हुन सकेको छैन।
हालका लागि सर्वोच्च अदालतले उक्त निवेदनको अर्को पेशी मिति तोकेको छैन, जसले गर्दा रवि लामिछानेसँग सम्बन्धित कानुनी प्रक्रिया थप अन्योलमा परेको छ।
प्रकाशित मिति: ७ जेष्ठ २०८२, बुधबार
प्रतिक्रिया