काठमाडौं — राजसंस्था पुनःस्थापना र नेपाललाई पुनः हिन्दू राष्ट्र घोषणाको मागसहित संयुक्त जनआन्दोलन समितिले मंगलबार काठमाडौंको सिफल चौरमा प्रदर्शन गर्ने भएको छ।
नवराज सुवेदीको नेतृत्वमा रहेको समितिले आन्दोलन भोलि दिउँसो २ बजेबाट सुरु हुने जानकारी दिएको छ। समितिले सोमबार साँझ एक प्रेस विज्ञप्ति जारी गर्दै जेठ १५ देखि सुरु भएको आन्दोलनलाई सोमबारका लागि स्थगन गरी मंगलबार पुनः सुरु गरिने उल्लेख गरेको हो।
यसअघि काठमाडौं जिल्ला प्रशासन कार्यालयले सिफल, बल्खु र कोटेश्वरबाहेक अन्य स्थानहरूमा विरोध प्रदर्शन गर्न निषेधाज्ञा जारी गरेको थियो।
प्रकाशित मिति: १९ जेष्ठ २०८२, सोमबार
प्रतिक्रिया