काठमाडौं । पूर्वराष्ट्रपति विद्यादेवी भण्डारीले कार्यकर्तासँग भेटघाट गर्न एमालेसँग अनुमति लिइरहनुपर्ने कुनै आवश्यकता नरहेको बताएकी छन् । विराटनगर विमानस्थलमा सञ्चारकर्मीसँग कुरा गर्दै भण्डारीले कार्यकर्तासँग भेट्न एमालेको इजाजत लिइरहनु नपर्ने बर्ताएकी हुन् ।
अर्को प्रसंगमा एमालेभित्र आफूले गुटगत राजनीति थालेको आरोपबारे प्रतिक्रिया दिँदै भण्डारीले आफु कहिल्यै गुट बनाउने मान्छे नभएको दाबी गरिन् । प्रधानमन्त्री एवम् एमाले अध्यक्ष केपी शर्मा ओलीले केही दिनअघि पार्टीमा गुटबन्दी नगर्न चेतावनी दिएका थिए । ओलीले केही दिनअघि दिएको अभिव्यक्ति आफूप्रति लक्षित नभएको भण्डारीको भनाइ थियो ।
राजनीतिक गतिविधिमा भण्डारी सक्रिय भएसँगै एमालेको आन्तरिक जीवनलाई प्रभावित पारेको छ । भण्डारीलाई पार्टी राजनीतिमा ल्याउन कतिपय नेताहरुले पहल गरिरहेको बताइन्छ ।
प्रकाशित मिति: २८ जेष्ठ २०८२, बुधबार
प्रतिक्रिया