काठमाडौं । सञ्चारमन्त्री पृथ्वीसुब्बा गुरुङले अख्तियारले कर्मचारीमाथि छानबिन गर्दा मन्त्रीले राजीनामा दिनुपर्छ भनेर विपक्षीले उठाएको माग अनूचित भएको बताएका छन् ।
मन्त्रिपरिषद्को निर्णय सार्वजनिक गरेपछि सञ्चारकर्मीहरूले सोधेको प्रश्नको जवाफ दिँदै यद्यपि, सदन खुलाउनेबारे छलफल भइरहेको बताए । उनले गृहमन्त्री रमेश लेखकको राजीनामा नआउने दोहोर्याए । उनले सत्तापक्ष र प्रतिपक्ष दलहरूबीच संसदीय छानबिन समिति बनाउने वा कसरी बनाउने भन्नेबारे छलफल भइराखेको बताए ।
गुरुङले भने, ‘मन्त्रीले उठेका सबै विषयमा संसदमा आफ्नो धारणा राख्ने, सरकारको धारणा राख्ने अनि प्रतिपक्षीहरूले संसद् खोलेर सहयोग गर्ने र बजेट सम्बन्धी छलफल प्रक्रियालाई अगाडि बढाउने कुरा हामीले गरिराखेका छौँ । सम्भवतः आज या भोलिसम्ममा कुरा मिल्छ होला ।’
प्रकाशित मिति: २८ जेष्ठ २०८२, बुधबार
प्रतिक्रिया