काठमाडौं । गैंडाले आक्रमण गर्दा आइतबार साँझ चितवनको मेघौलीमा एकजनाको मृत्यु भएको छ। जिल्ला प्रहरी कार्यालयका अनुसार भरतपुर महानगरपालिका २८ का ६० वर्षीय जंगे कुमालको गैंडाको आक्रमणमा परी ज्यान गएको हो ।
जिल्ला प्रहरी कार्यालयका प्रवक्ता प्रहरी नायब उपरीक्षक ९डीएसपी० रविन्द्र खनालका अनुसार कुमाललाई आइतबार साँझ आठ बजे तिर गाउँ आडको राप्ती खोलामा गैंडाले हानेको हो।
उनी माछा मार्न खोलामा गएका बेला घटना भएको डिएसपी खनालको भनाइ छ । आक्रमणपछि गम्भीर घाइते भएका जंगेलाई उपचारका लागि भरतपुरको सरकारी अस्पताल लगिएको थियो । चिकित्सकले राति नौ बजे जंगेलाई मृत घोषणा गरेको प्रहरीले जनाएको छ।
चितवन निकुञ्ज आडका चितवनसहित चार जिल्लाका गाउँ बस्तीमा जंगली जनावर गैंडा, बाघ, जंगली हात्ती लगायतका जीवजन्तुको आक्रमणमा परेर वर्षेनि पाँचदेखि २५ जनासम्मको ज्यान जाने गरेको छ ।
प्रकाशित मिति: २ असार २०८२, सोमबार
प्रतिक्रिया