काठमाडौँ । प्रतिनिधिसभामा अर्थमन्त्री विष्णुप्रसाद पौडेलले बोल्ने क्रममा नाराबाजी गरेको प्रति सांसद सुशीला थिङले आपत्ति जनाएकी छन् । उनले सोमबार प्रतिनिधिसभामा रास्वपा र राप्रपाका सांसदहरूले नाराबाजी गरिरहेको सन्दर्भको विषय उठान गर्दै आपत्ति जनाएकी हुन् ।
‘सभामुखज्यू, नियम २० र २१ बमोजिम नियम आपत्ति भयो । आपत्तिजनक शब्दहरू मानव तस्करीको कुरा उठ्यो । वक्ताले बोलिरहेको बेलामा नाराबाजी भयो । कसलाई मानव तस्करी गरेको भनेको हो ? प्रस्ट पारियोस् भनेर मैले यो कुरा राखेको हो ।’
संसदभित्र गरिने गतिविधि मर्यादित जिम्मेवारीपूर्ण र उत्तरदायी हुनुपर्ने सभामुख घिमिरेले बताए । साथै उनले विरोध समर्थन गर्ने परिपाटी छ अब पनि यसलाई विकास गर्न अनुरोध गरे र अर्थमन्त्री पौडेललाई निरन्तरता दिन आग्रह गरे ।
प्रकाशित मिति: २ असार २०८२, सोमबार
प्रतिक्रिया