चितवन । चितवनको खहरेपुरस्थित पूर्व–पश्चिम राजमार्गमा बस र माइक्रोबस एकआपसमा ठोक्किँदा ७ जनाको ज्यान गएको छ भने १८ जना घाइते भएका छन्।
धनगढीबाट काँकडभिट्टातर्फ जाँदै गरेको प्रदेश १–०१–००१ख ३५८३ नम्बरको यात्रुबाहक बस र मकवानपुरबाट नारायणगढतर्फ गइरहेको बागमती प्रदेश ०३–००१ज २९९ नम्बरको माइक्रोबस (इभी गाडी) एकआपसमा ठोक्किँदा गम्भीर दुर्घटना भएको हो।
दुर्घटनामा परेर घटनास्थलमै ७ जनाको मृत्यु भएको जिल्ला प्रहरी कार्यालय चितवनले जनाएको छ। मृत्यु हुनेमा मकवानपुर–३ का सोमप्रसाद रुपाखेती, हेटौँडा–५ की मैयाँ कुमारी न्यौपाने पहाडीसहित अन्य तीन महिला र दुई पुरुष रहेका छन्, जसको सनाखत हुन बाँकी छ।
घाइते १८ जनाको भरतपुरस्थित पुरानो मेडिकल कलेज, भरतपुर अस्पताल र एलाईभ अस्पतालमा उपचार भइरहेको छ। घाइतेमध्ये केहीको अवस्था गम्भीर रहेको बताइएको छ।
प्रहरीले दुर्घटनाबारे थप अनुसन्धान अघि बढाएको छ।
प्रकाशित मिति: ७ असार २०८२, शनिबार
प्रतिक्रिया