काठमाडौँ । नेपाली कांग्रेसका सभापति शेरबहादुर देउवाले सरकारभित्र कुनै समस्या नरहेको बताएका छन्।
चितवनमा सञ्चारकर्मीसँग कुराकानी गर्दै देउवाले नेकपा एमाले फरक पार्टी भएकाले कतिपय निर्णयमा मतभेद हुनु स्वाभाविक भएको बताए।
‘टेक एन्ड पे’ प्रणाली हटाएपछि बजेट सजिलै पारित भएको उल्लेख गर्दै उनले भने, “ठूलो कुरा थिएन, सामान्य असमझदारी थियो। प्रणाली हटेपछि बजेट पास भइसकेको छ। दुई फरक पार्टीबीच मत फरक हुनु सामान्य हो।”
भिजिट भिसा प्रकरणमा गृहमन्त्रीको संलग्नताबारे उठेका प्रश्नमा देउवाले आरोपलाई आधारहीन र झूटा रहेकाे उनले भने ।
उनले नेपाली कांग्रेसको १५ औँ महाधिवेशन समयमै हुने पनि स्पष्ट पारे।
प्रकाशित मिति: १३ असार २०८२, शुक्रबार
प्रतिक्रिया