काठमाडौं । असार दोस्रो सातासम्म देशभरि १५ प्रतिशतमात्र धान रोपाइँ भएको छ ।
कृषि तथा पशुपन्छी विकास मन्त्रालय अन्तर्गतको कृषि विभागले शुक्रबार सार्वजनिक गरेको तथ्यांक अनुसार १३ असारसम्म १ करोड ३९ लाख १३ हजार २१ हेक्टरमध्ये २ लाख १७ हजार २ सय ८९ हेक्टरमा मात्र रोपाइँ भएको हो ।
गत वर्ष १४ असारसम्म १७।२ प्रतिशत रोपाइँ भएकोमा यस वर्ष सोही अवधिमा १५।६ प्रतिशत मात्रै भएको छ ।
सबैभन्दा बढी रोपाइँ सुदूरपश्चिम प्रदेशमा भएको छ । त्यहाँ कुल रोपाइँ क्षेत्रफलको ४५।५ प्रतिशतमा रोपाइँ सम्पन्न भएको तथ्यांकमा उल्लेख छ ।
त्यस्तै कर्णाली प्रदेशमा ३९।१ प्रतिशत, लुम्बिनी ९।७, गण्डकी १३।८, बागमती २०।५, मधेस ३।९ र कोशी प्रदेशमा १४।३ प्रतिशत रोपाइँ भएको छ ।
मधेश प्रदेशका सप्तरी, रौतहट र महोत्तरी जिल्लाको विवरण आउन बाँकी रहेको विभागले जनाएको छ ।
प्रकाशित मिति: १४ असार २०८२, शनिबार
प्रतिक्रिया