काठमाडौं । कैलालीको मोहना नदीको बाढी बढ्दो क्रममा रहेकाले नदी किनार क्षेत्रका बासिन्दालाई आज बेलुकासम्मै सतर्क रहन जल तथा मौसम विज्ञान विभागले अनुरोध गरेको छ ।
जोखिम क्षेत्रका बासिन्दालाई विभागले एसएमएस पठाउँदै सतर्कता अपनाउन भनेको हो ।
मोहना नदीको जलमापन केन्द्रमा अहिले बाढीको सतह सतर्कता तह नाघेको छ । बाढी बढ्दो क्रममा रहेकाले सतर्क रहन भनिएको हो ।
आज बिहान साढे ७ बजेसम्म मोहना नदीको जल मापन केन्द्रमा बाढीको सतह ३।०६ मिटर पुगेको छ । ३ मिटरसम्म पुगेमा सतर्कताको तह र ३।६० मिटर पुगेमा खतराको तहमा पुगेको मानिन्छ ।
प्रकाशित मिति: १६ असार २०८२, सोमबार
प्रतिक्रिया