काठमाडौँ । नेपाल आयल निगमले पेट्रोलियम पदार्थको खुद्रा मूल्यमा वृद्धि गरेको छ ।
इण्डियन आयल कर्पोरेसनबाट प्राप्त नयाँ खरिद मूल्य अनुसार मंगलबारदेखि लागू हुनेगरी पेट्रोलमा प्रतिलिटर ५ रुपैयाँ, डिजेलमा प्रतिलिटर ४ रुपैयाँ र मट्टितेलमा प्रतिलिटर ४ रुपैयाँ बढाइने निगमले जनाएको छ । यद्यपि एलपी ग्यासको खुद्रा बिक्री मूल्य यथावत् राखिएको निगमले जनाएको छ ।
पेट्रोलमा ५ रुपैयाँ बढेर काठमाडौंमा नयाँ मूल्य प्रतिलिटर १६२.५० तोकिएको छ भने डिजेल/मट्टितेलको नयाँ मूल्य ४ रुपैयाँले बढेर १४६.५० तोकिएको छ ।
भारतीय आयल कर्पोरेसनबाट प्राप्त नयाँ मूल्य अनुसार पेट्रोलमा प्रति लिटर रु. ७.६४, डिजेलमा रु. ९.१३ र हवाई इन्धनमा रु. ६.८८ ले मूल्य बढेको निगमको भनाइ छ ।
प्रकाशित मिति: १७ असार २०८२, मंगलबार
प्रतिक्रिया