काठमाडौं । संवैधानिक इजलासले बहुमतको आधारमा ५२ जना संवैधानिक पदाधिकारीहरूको नियुक्तिविरुद्ध दायर रिट निवेदन खारेज गरेको छ । साढे चार वर्षदेखि सर्वोच्च अदालतमा विचाराधीन रहेको यो मुद्दामा अन्ततः इजलासले नियुक्ति वैध ठहर गर्दै फैसला सुनाएको हो ।
प्रधानन्यायाधीश प्रकाशमानसिंह राउत, तथा न्यायाधीशहरू सपना प्रधान मल्ल, मनोजकुमार शर्मा, कुमार चुडाल र नहकुल सुवेदी सम्मिलित संवैधानिक इजलासले उक्त रिटमाथिको सुनुवाइ गर्दै खारेज गर्ने निर्णय गरेको हो ।
गत जेठ २८ गते इजलासले उक्त मुद्दामा सुनुवाइका लागि पेसी तोकेको थियो । सोहीअनुसार बुधबार सुनुवाइ सम्पन्न गर्दै इजलासले नियुक्ति प्रक्रियालाई संविधानसम्मत ठहर गर्दै रिट खारेज गरेको हो ।
यस निर्णयसँगै आयोगका ५२ पदाधिकारीहरूको पद जोगिएको छ । अदालतको यो फैसलाले लामो समयदेखि अन्योलमा रहेको संवैधानिक आयोगहरूको नेतृत्वमा स्थायित्व ल्याएको छ ।
प्रकाशित मिति: १९ असार २०८२, बिहिबार
प्रतिक्रिया