काठमाडौं । नेपाली कांग्रेसका सांसद पूर्णबहादुर तामाङले सरकारबाट प्राप्त हुने तीन महिनाको तलब प्रधानमन्त्री दैवी प्रकोप उद्धार तथा राहत कोषमा जम्मा गर्ने घोषणा गरेका छन्।
बुधबार प्रतिनिधिसभाअन्तर्गतको अर्थ समितिको बैठकमा बोल्दै उनले हालै रसुवागढीमा आएको विनाशकारी बाढीबाट प्रभावित क्षेत्रको पुनर्निर्माण र राहतका लागि उक्त रकम प्रदान गर्ने निर्णय गरेका हुन्।
सांसद तामाङले प्रधानमन्त्री कार्यालयलाई तीन महिनाको तलब उक्त कोषमा जम्मा गर्न निवेदनसमेत दिइसकेको जानकारी समितिलाई दिएका छन्।
उनले बाढीले पारेको क्षति प्रति गम्भीर चिन्ता व्यक्त गर्दै यस्ता विपत्तिमा सबै सांसद तथा जनप्रतिनिधिहरूले सहयोग गर्नुपर्नेमा जोड दिए।
प्रकाशित मिति: २५ असार २०८२, बुधबार
प्रतिक्रिया