काठमाडौँ । बाँके जिल्लामा करेन्ट लागेर एक व्यक्तिको मृत्यु भएको छ। डुडुवा गाउँपालिका–३ हलबलडोली निवासी ४० वर्षीय राधे खटिकको बुधबार दिउँसो करेन्ट लागेर ज्यान गएको हो।
नेपालगञ्ज उपमहानगरपालिका–२१ बिर्तास्थित आफ्नै खेतमा पानी तान्ने विद्युतीय मोटर प्रयोग गर्ने क्रममा तारबाट करेन्ट लाग्दा उनी गम्भीर घाइते भएका थिए। घाइते अवस्थामा भेरी अस्पताल लगिएको खटिकको उपचारको क्रममा मृत्यु भएको प्रहरीले जनाएको छ।
घटनाका सम्बन्धमा प्रहरीले आवश्यक अनुसन्धान भइरहेको जानकारी दिएको छ।
प्रकाशित मिति: २६ असार २०८२, बिहिबार
प्रतिक्रिया