काठमाडाैं । पाकिस्तानको बलुचिस्तानको झोब जिल्लामा अज्ञात बन्दुकधारीहरूले पञ्जाबका नौ यात्रुहरूलाई बसबाट तानेर हत्या गरेका छन्।
बलुचिस्तानको राजधानी क्वेटाबाट पञ्जाब जाँदै गरेका दुई यात्रु बसबाट यी यात्रुहरूलाई ओरालिएको थियो।
बीबीसी उर्दूका अनुसार झोबका सहायक आयुक्त नवीद आलमले नौ यात्रुको मृत्यु भएको पुष्टि गरेका छन्। उनले मृतकको शव पञ्जाब पठाउने व्यवस्था भइरहेको बताएका छन्।
यात्रुहरूलाई बसबाट ओरालेर मारिएको घटना बिहीबार साँझ सरकारी अधिकारीहरूका अनुसार अज्ञात बन्दुकधारीहरूले घेरेको क्षेत्रमा भएको थियो।
यसैबीच, बलुचिस्तान सरकारका प्रवक्ता शाहिद रिदले एक विज्ञप्तिमा भने, ‘आतंककारीहरूले कलात, मास्तुङ र झोबमा आक्रमण गरेका छन्।’
उनले भने, ‘सुरक्षा बलले तीनै ठाउँमा तुरुन्तै कारबाही गर्यो। हामी जनताको सुरक्षाको लागि पूर्ण रूपमा सतर्क छौं।’ एजेन्सी
प्रकाशित मिति: २७ असार २०८२, शुक्रबार
प्रतिक्रिया