काठमाडौं । प्रेस चौतारि रुकुम पश्चिमका अध्यक्ष परिचन्द्र खत्रीमाथि आत्महत्या दुरुत्साहनको किटानी जाहेरी परेको छ । खत्रीमाथी शनिबार साँझ जिल्ला प्रहरी कार्यालय रुकुम पुर्वमा आत्महत्या दुरुत्साहनको किटानी जाहेरी परेको हो।
रुकुम पुर्व सिस्ने गाउँपालिका ६ खोपिचार घर भइ सिस्ने गाउँपालिकामा कार्यालय सहायक पदमा कार्यरत २५ वर्षीया कोइली शाही शनिबार बिहान कोठामा मृत फेला परेकी थिइन । उनको परिवारले आत्महत्या दुरुत्साहनको आशंका सहित खत्रीमाथी प्रहरिमा जाहेरी दिएको हो।
पारिवारिक स्रोतका अनुसार खत्रीले शाहिलाई फोन गरेर बारम्बार टर्चर दिदै आएका थिए । त्यही टर्चर सहन नसकेर उनले आत्महत्या गरेको परिवारको भनाई छ।
जिल्ला प्रहरी कार्यालय रुकुम पुर्वका प्रहरी नायब उपरीक्षक उमा शंकर प्रसाद यादवले घटनाको अनुसन्धान भइरहेको र जाहेरी परेको व्यक्तिको खोजी कार्य भईरहेको बताए।
प्रकाशित मिति: ३० असार २०८२, सोमबार
प्रतिक्रिया