काठमाडौं । प्रधानमन्त्री केपी शर्मा ओलीले नेपाल र चीनबीचको सम्बन्धलाई थप सुदृढ र प्रभावकारी बनाउने प्रतिबद्धता व्यक्त गरेका छन्।
शुक्रबार काठमाडौंमा आयोजित एक कार्यक्रममा सम्बोधन गर्दै प्रधानमन्त्री ओलीले नेपाल सरकार चीनसँगको द्विपक्षीय सम्बन्धलाई अझ बलियो बनाउने दिशामा कुनै कसर बाँकी नराख्ने स्पष्ट संकेत दिएका हुन्।
उनले भने, “गक्ष अनुसार हामीले पारस्परिक सम्बन्धलाई निरन्तर अघि बढाइरहेका छौं, आगामी दिनमा यसलाई अझ विस्तार गरिनेछ।”
प्रधानमन्त्री ओलीले नेपाल–चीन सम्बन्ध भविष्यमा अझ गहिरो, समावेशी र बहुआयामिक हुँदै जाने विश्वास पनि व्यक्त गरे। उनले दुई देशबीचको मैत्रीपूर्ण सम्बन्ध, आपसी सहयोग र विश्वासलाई निरन्तर सुदृढ गर्दै लैजाने नेपाल सरकारको प्राथमिकता रहेको बताए।
उनका अनुसार, नेपालको विकास प्रयासमा चीनसँगको सहकार्य महत्वपूर्ण रहेको छ र भौगोलिक छिमेकका हिसाबले पनि दुवै मुलुकबीचको सम्बन्ध अझ सघन बन्ने आवश्यकता रहेको छ।
कार्यक्रममा उनले अहिलेसम्म भएका समझदारी, परियोजना तथा सहयोग कार्यक्रमलाई प्रभावकारी कार्यान्वयन गर्दै आगामी दिनमा नयाँ सम्भावनाहरू खोजिने बताए।
यसरी प्रधानमन्त्री ओलीले दिएको अभिव्यक्तिले नेपाल–चीन सम्बन्धलाई थप मजबुत बनाउने सरकारको अडानलाई पुनः पुष्टि गरेको छ।
प्रकाशित मिति: २ श्रावण २०८२, शुक्रबार
प्रतिक्रिया