काठमाडौं । नेकपा एमालेका महासचिव शंकर पोखरेलले पार्टीको संगठनात्मक अवस्था सुदृढ बन्दै गएको रिपोर्ट पोलिटब्युरो बैठकमा प्रस्तुत गरेका छन्।
पार्टी केन्द्रीय कार्यालय, च्यासलमा आजबाट सुरु भएको पोलिटब्युरो बैठकमा महासचिव पोखरेलले सदस्यता नवीकरणमा उल्लेखनीय वृद्धि भएको र संगठनको आधार बलियो बन्दै गएको जानकारी दिएका हुन्।
उनका अनुसार एमालेको सदस्यता नवीकरण अघिल्लो वर्षको तुलनामा १५ प्रतिशतले वृद्धि भएको छ।
बैठकपछि पत्रकारहरूसँग कुरा गर्दै प्रचार विभाग प्रमुख राजेन्द्र गौतमले महासचिव पोखरेलले संगठनात्मक प्रतिवेदनहरू क्रमशः प्रस्तुत गरिरहेको जानकारी दिए।
बैठकमा संगठन सुदृढीकरण, आगामी रणनीति तथा वर्तमान राजनीतिक अवस्थाबारे पनि छलफल हुँदैछ।
प्रकाशित मिति: २ श्रावण २०८२, शुक्रबार
प्रतिक्रिया