काठमाडौं । नेकपा एमालेको पार्टी सदस्यता संख्या उल्लेख्य रूपमा वृद्धि भएको छ । पार्टी महासचिव शंकर पोखरेलले सोमबार च्यासलमा जारी केन्द्रीय कमिटी बैठकमा संगठनात्मक प्रतिवेदन प्रस्तुत गर्दै पार्टी सदस्य संख्या २८ प्रतिशतले बढेको जानकारी दिएका हुन्।
उनका अनुसार, हालसम्म पार्टी सदस्य संख्या साढे ६ लाख नाघेको छ। संगठन विभागका सदस्य विशाल भट्टराईका अनुसार पछिल्ला अभियान र मिसनमार्फत यो वृद्धिमा टेवा पुगेको हो।
एमालेले देशभरका कूल मतदाताको ६ प्रतिशतलाई पार्टी सदस्य बनाउने लक्ष्य लिएको छ। सोही लक्ष्यअनुसार संगठन सुदृढीकरण र विस्तारका लागि चरणबद्ध रूपमा अभियान सञ्चालन गर्दै आएको छ।
महासचिव पोखरेलले पार्टीको संगठनात्मक बलियो आधारले आगामी निर्वाचनमा थप सफलता दिलाउने विश्वास व्यक्त गरेका छन्।
प्रकाशित मिति: ५ श्रावण २०८२, सोमबार
प्रतिक्रिया