ललितपुर । ललितपुर महानगरपालिका–२७, सुनाकोठीमा पत्नीको हत्याको आरोपमा एक पुरुषलाई प्रहरीले पक्राउ गरेको छ। पक्राउ पर्ने व्यक्ति ३० वर्षीय मदनबहादुर स्याङतान हुन्।
उनले आफ्नी २० वर्षीया श्रीमती डोल्मा वाइवाको चक्कु प्रहार गरी हत्या गरेको अभियोग लागेकाे छ। शनिबार बिहान घटना भएको सूचना पाएलगत्तै पुगेको प्रहरी टोलीले मदनलाई घटनास्थलबाटै नियन्त्रणमा लिएको थियो।
प्रहरीका अनुसार आपसी विवादका क्रममा मदनले क्रुद्ध भई चक्कु प्रहार गरेका थिए। गम्भीर घाइते डोल्मालाई तत्कालै उपचारका लागि प्रयास गरिए पनि उनको मृत्यु भइसकेको पुष्टि भएको हो।
प्रहरी प्रधान कार्यालयले घटनाबारे थप अनुसन्धान भइरहेको जनाएको छ। घरेलु हिंसा र आपराधिक मनोवृत्तिका घटनाहरूमा सतर्कता आवश्यक रहेको सुरक्षा अधिकारीहरूले जनाएका छन्।
प्रकाशित मिति: १० श्रावण २०८२, शनिबार
प्रतिक्रिया