चितवन । चितवन प्रहरीले करिब ६ सय ७१ किलो गाँजासहित एक भारतीय ट्रक चालकलाई पक्राउ गरेको छ।
शनिबार बिहान राप्ती नगरपालिका–१ स्थित लोथर पुल नजिक चेकजाँचको क्रममा भारततर्फ जाँदै गरेको ट्रकबाट गाँजा फेला पारिएको हो। पक्राउ पर्ने व्यक्ति भारतको **बिहार पूर्वी चम्पारण तुर्कालिया निवासी ३७ वर्षीय शेख सबिलाख्तर हुन्।
जिल्ला प्रहरी कार्यालय चितवनका अनुसार युपी ८२ टी ३९२१ नम्बरको ट्रकलाई मकवानपुरतर्फ जाँदै गर्दा रोकेर चेकजाँच गर्दा माथिल्लो भागमा फल्स बटन बनाई लुकाएर राखिएको ४३ वटा पोकामा गाँजा फेला परेको हो।
पक्राउ परेका चालकविरुद्ध लागुऔषध सम्बन्धी मुद्दा दर्ता गरी आवश्यक अनुसन्धान अगाडि बढाइएको प्रहरीले जनाएको छ।
प्रकाशित मिति: १० श्रावण २०८२, शनिबार
प्रतिक्रिया